على باب سفارة كندا
لمحت ابليس واقف فى ايده استمارة
بقوله على فين
قاللى بص ياهجرة يااعارة
ياعم اهقت كفرت
الاقيش معاك سيجارة
انا انتهيت خلاص ..... لانافع وسواس ولاخناس
ولاليا عيش وسط الناس ..... دى عالم مجرمين
عندكو فائص فى الفساد فى كل البلاد
ومش محتاجين شياطين .... مليش عيش فى البلد دى
بقالى سنين عاطل .... وانتو بتعرفوا
بقلبوا الحق باطل ... وبمشوا فى جنازة القتيل
ياعم ده انا بقيت اوسوس بالمقلوب
اقول للحرامى كفاية بقى انت مش هاتوب
يعنى انت هاتعمل كل الذنوب لوحدك
وانا ابليس اشتغلت واعظ
ولا كمسارى فى الاتوبيس ياعم ده انا زمان
كنت اوسوس لحد ينسى يسمى وهو بياكل لقمة
دلوقتى كل اكلكم ملوث وبصراحة الوحدخايف على صحته
ده مفيش ضمير اساسا
وكل واحد بمزاجة ... خربانة ذمته
ياراجل ده من كثر مالطشت معايا خرجت فى مظاهرة
مع الناس الى بيقوله كفاية ... برضته مفيش فايده
الأحد مايو 22, 2011 5:28 am